ტრენინგები

1. ისტ–ია გამოყენება სასწავლო პროცესში   2013 წლის სექტემბერი
2. ვიდეო, როგორც სასწავლო რესურსი       2013 წლის 23 დეკემბერი
3.ინტელის კურსი–პროექტებით სწავლება  2014 წლის აპრილ–მაისი
    

                                                                

                                                                ანგარიში

1.ინფორმაციულ–საკომუნიკაციო ტექნოლოგიების გამოყენება სასწავლო პროცესში
მასწავლებელთა პროფესიული განვითარების ეროვნული ცენტრი
თბილისი 94–ე სკოლა 39 საათი
ტრენერი–დავით ნოზაძე
მიზანი–საქართველოს სკოლების მასწავლებელთა პროფესიული განვითარება,ინფორმაციულ–საკომუნიკაციო ტექნოლოგიების ათვისებისა და  გამოყენების კუთხით, რაც ხელს შეუწყობს სასწავლო პროცესში ისტ–ის ინტეგრირებას ეროვნული სასწავლო გეგმის მოთხოვნებისა და მასწავლებელთა პროფესიული სტანდარტების შესაბამისად.
ტრენინგ –კურსი მოიცავდა 4 მოდულს, 39 საათს.
I დღე   ტრენინგის მონაწილეებმა გავიცანით ერთმანეთი.ტრენერმა გაგვაცნო კურსის მიზანი, განრიგი, საორგანიზაციო საკითხები. ჩაგვიტარა ლექცია power point პრეზენტაციის გამოყენებით. ტრენინგის ბოლოს შევავსეთ კითხვარები.
II მოდულის I დღეს გავიხსენეთ წინა ტრენინგი, გაკვეთილის ორგანიზების ძირითადი საფეხურები, დაგეგმვა, შეფასება, გაკვეთილის სამფაზიანი მოდელი.ტრენინგის ბოლოს შევავსეთ შეფასების კითხვარები.
II მოდულის II დღეს ვისწავლეთ გაკვეთილის დაგეგმვისა და ჩატარებისათვის საჭირო ინფორმაციის მოძიება ინტერნეტ ბრაუზერისა და საძიებო სისტემის საშუალებით. ტრენინგ–დღის ბოლოს შევავსეთ შეფასების კითხვარები.
II მოდულის III დღეს გავიხსენეთ წინა ტრენინგი და გავეცანით  ეფექტიან სასწავლო პრეზენტაციის მომზადებას. დღის ბოლოს შევავსეთ შეფასების კითხვარები.
II მოდულის  IV დღეს გავიხსენეთ წინა ტრენინგი და გავეცანით მოცემული ტრენინგ–დღის ამოცანებს. მოამზადეთ პრეზენტაცია შერჩეულ თემაზე, და წარუდგინეთ აუდიტორიას, რის შემდეგაც შევავსეთ შეფასების კითხვარები.
II მოდულის V დღეს გავეცანით ვირტუალურ ლაბორატორიას და ელექტრონულ თამაშებს. განვიხილეთ მისი ეფექტური გამოყენება სასწავლო პროცესში.
II მოდულის VI დღეს ტექნიკური აღჭურვილობის გამართვას, სასწავლო მასალის, რესურსების მომზადებას. გავეცანით lemill-ს.
II მოდულის VII დღეს გავიხსენეთ წინა ტრენინგი და გავეცანით სწავლის შეფასებას, გაკვეთილის შეფასებას (რუბრიკის დამზადებას, პრეზენტაციას).
II მოდულის VIII დღეს გავიხსენეთ წინა ტრენინგი და გავეცანით ისტ–ის გამოყენებას მრავალკომპონენტიანი შეფასებისთვის, პირადი ელექტრონული დღიურის (ბლოგის) დარეგისტრირებას. დღის ბოლოს შევავსეთ შეფასების კითხვარები.
III მოდულში გავეცანით ეფექტურ სასწავლო პროექტის ძირითად მახასიათებლებს, პროექტის დაგეგმვასადა აღწერას ისტ–ის გამოყენებით. დღის ბოლოს შევავსეთ შეფასების კითხვარები.
IV მოდულში ვისწავლეთ მასწავლებელთა თვითშეფასების ფორმები და ისტ–ის ინსტრუმენტები, სლაიდშოუს გამოყენება, მასწავლებლის პორტფოლიოს შედგენა, Google–ს სერვისები: ბლოგი, ფორუმი, საიტი. მოდულის დამთავრების შემდეგ შევავსეთ შეფასების კითხვარები.
ტრენინგის მნიშვნელობა: ტრენინგი ჩემთვის ნაყოფიერი და საინტერესო იყო. ტრენინგის დასრულების შემდეგ გავაცნობიერე ისტ–ის გამოყენების მნიშვნელობა სასწავლო პროცესში. ამ ტრენინგზე მიღებული ცოდნის საშუალებით შევძლებ ისტ–ის გამოყენებას სასწავლო პროცესის დასაგეგმად, სასწავლო რესურსების მოსამზადებლად. აუცილებლად გამოვიყენებ ისტ–ს მოსწავლეებთან, მშობლებთან და კოლეგებთან კომუნიკაციისათვის. შევძლებ მასწავლებლის პორტფოლიოს წარმოებას ისტ–ის გამოყენებით, შევქმნი პერსონალურ პორტფოლიოს, გავეცანი სწავლა–სწავლების ეფექტურ სტრატეგიებს ისტ–ის გამოყენებით. ვისწავლე ცნების რუკის შექმნა, ვენის დიაგრამა, T სქემა.
ვეცდები მიღებული ცოდნა და გამოყენება გავუზიარო კოლეგებს. კათედრის სხდომაზე წავიკითხავ მოხსენებას თემაზე: ისტ–ის გამოყენება სასწავლო პროცესში (კონკრეტული გაკვეთილის მაგალითზე).

                                                  ანგარიში

2. ვიდეო, როგორც სასწავლო რესურსი       2013 წლის 23 დეკემბერი

თარიღი     23  დეკემბარი

1.     ტრენინგის შესახებ:

• ტრენინგის დასახელება:  ,,ვიდეო, როგორც სასწავლო რესურსი“
• ტრენინგის ჩამტარებელი ორგანიზაცია: მასწავლებელთა პროფესიული განვითარების ეროვნული ცენტრი (საქართველოს განათლებისა და მეცნიერების სამინისტრო).
• ტრენინგის ჩატარების ადგილი: სსიპ -----# 94 ---- საჯარო სკოლა.
• ტრენინგის ხანგრძივობა:  1 დღე (4 საათი).

2.   მიზანი და დღის წესრიგი:

• მიზანი: მასწავლებლები გაეცნობიან სასწავლო პროცესში ვიზუალური მასალის გამოყენების მეთოდოლოგიას, ისტ - ით გამდიდრებული გაკვეთილების  თავისებურებებსა და  სწორ მიდგომებს. შეისწავლიან ვიდეო - კლიპების მომზადებას პროგრამა  „Movie Maker“ - ის გამოყენებით, ასევე  ვიდეოს განთავსებას სასწავლო მეთოდური მასალების პორტალში.
• დღის წესრიგი:

Ø  წარდგენა,  გაცნობა და მონაწილეთა მოლოდინების განსაზღვრა - 20 წთ

Ø  ტრენინგის მიზნები, მისაღწევი შედეგები, განრიგი, მუშაობის ფორმები  და  წესები, საორგანიზაციო საკითხები - 10 წთ

Ø  ისტ - ით გამდიდრებული გაკვეთილის   ზოგადი თავისებურებანი და მიდგომები  (დისკუსია) - 10 წთ

Ø  რა ტიპის სასწავლო მასალა შეიძლება შეიქმნას პროგრამა Movie maker - ში. - 10წთ

Ø  D - GP - IP - პროგრამა Movie Maker-ის ძირითადი ინსტრუმენტები, როგორ იქმნება ვიდეო - კლიპი. -  45 წთ

Ø  შესვენება - 20წთ

Ø  ნასწავლი მასალის შეჯამება - 10წთ

Ø  ვიდეო - კლიპისთვის შესაბამისი მასალის მოძიება ინტერნეტში - 15წთ

Ø  პრაქტიკული    ინდივიდუალური სამუშაო - 30წთ

Ø  შესრულებული დავალებების პრეზენატაცია, ტრენერისა და აუდიტორიის უკუკავშირი    - 20 წთ.

Ø  D – GP – IP - როგორ ხდება ვიდეო - მასალის ატვირთვა Youtube - ში, ინსტრუმენტების გაცნობა - 30წთ

Ø  გონებრივი იერიში “რა ვისწავლეთ? როგორ გამოვიყენებ შეძენილ კომპეტენციებს საგაკვეთილო პროცესში?”  - 10წთ

Ø  ტრენინგის შეფასება  - 10 წთ

3.   ტრენინგის მსვლელობა:

• წარდგენა და გაცნობა: ტრენერი ტრენინგის დაწყებისთანავე გაგვეცნო და ტრენინგის თითოეულმა მონაწილემ მოკლედ წარმოადგინა საკუთარი თავი. ასევე თითოეულმა მასწავლებელმა უპასუხა ტრენერის მიერ დასმულ 2 შეკითხვას  ,,ჩატარებული ჰქონდა თუ არა ტექნოლოგიებით გამდიდრებული გაკვეთილი და რა ფორმით?“ და ,,რა მოლოდინი ჰქონდა ტრენინგისგან?“

·         ტრენინგის მიზნები, მისაღწევი შედეგები, განრიგი, მუშაობის ფორმები  და  წესები, საორგანიზაციო საკითხები: ტრენერმა წარმოგვიდგინა პროგრამის პრეზენტაცია: ტრენინგის მიზნები, მისაღწევი შედეგები (ტრენინგის გავლის შემდეგ მონაწილეები შეძლებენ პროგრამა Movie Maker -ის საშუალებით სასწავლო რესურსების შექმნას და ეფექტურად გამოყენებას სასწავლო პროცესში და შეძლებენ შექმნილი მასალის ვიდეო -ფაილების საცავში ატვირთვას), მოკლედ გაგვაცნო დღის წესრიგი, კომპიუტერებთან მუშაობის ფორმები და წესები, ასევე ვისაუბრეთ საორგანიზაციო საკითხებზე  და აქტივობებზე (აქტიური ლექცია, გონებრივი იერიში, დემოსტრირება - მართული პრაქტიკა - დამოუკიდებელი ვარჯიში (D – GP - IP), პრეზენტაცია, პრაქტიკული მეცადინეობა). ტრენინგის მონაწილეებს ჰქონდათ საშუალება დაესვათ ტრენერისთვის სასურველი და მნიშვნელოვანი კითხვები

• ისტ-თი გამდიდრებული გაკვეთილის   ზოგადი თავისებურებანი და მიდგომები: ტრენერმა ისაუბრა ისტ - ით გამდიდრებული გაკვეთილის თავისებურებებზე და შემდეგ დისკუსიაში ჩაგვრთო მონაწილეები: ,,რა უპირატესობა აქვს ისტ - ით გამდიდრებული გაკვეთილის ჩატარებას?“. გამოითქვა სხვადასხა მოსაზრებები, მაგრამ ყველა მასწავლებლის აზრი იყო ერთნაირი იმაზე, რომ ისტ - ით გამდიდრებული გაკვეთილზე მოსწავლე უფრო მეტად მოტივირებულია, განსაკუთრებით მაშინ, როდესაც თვითონაც მონაწილეობს სასწავლო მასალის შექმნაში, ასევე გაკვეთილი არის უფრო საინტერესო, ვიზუალური მასალა ეხმარება მოსწავლეს ინფორმაციის უკეთ აღქმაში და გაგებაში.

·         რა ტიპის სასწავლო მასალა შეიძლება შეიქმნას პროგრამა Movie maker - ში. ტრენერმა პროექტორის საშუალებით გვიჩვენა თავის მიერ შექმნილი ვიდეო - მასალა ,,სვანეთი“, ჩვენების დროს თან დაურთო კომენტარები, რა ტექნიკურ მხარეზე უნდა გამახვილდეს ყურადღება ვიდო - მასალის შექმნის დროს.

·         D - GP - IP -პროგრამა Movie Maker-ის ძირითადი ინსტრუმენტები, როგორ იქმნება ვიდეო - კლიპი. ტრენერმა განმარტა,  რომ movie maker არის ვიდეო კლიპების დამზადების Micro Soft - ის უფასო პროგრამა და windows XP – ს ვერსიას იგი ავტომატურად მოყვება. Windows 7 - ის ზოგ ვერსიას შეიძლება არ მოყვეს, ამიტომ ტრენერმა დაწვილებით აგვისხსნა და გვაჩვენა როგორ უნდა მოხდეს Micro Soft - ის საიტიდან მისი გადმოწერა და დაინსტალირება. ამის შემდეგ გაგვაცნო პროგრამა movie maker - ის ის ძირითადი ინსტრუმენტები, რომლის საშუალებითაც ხდება ვიდეო - კლიპების შექმნა: მედია, აუდიო და ვიდეო ფაილების ჩასმა, სხვადასხვა ანიმაციური ეფექტებით გაფორმება, სატიტულეე კადრების შექმნა, ვიდეო - ფაილების დაჭრა და ერთმანეთზე გადაბმა, შექმნილი მასალის შენახვა დასრულებული პროექტის და დასრულებული სახით. აგვიხსნა განსხვავება ამ 2 სახის შენახვას შორის. პარალელურად თითოეული მონაწილე ინდივიდუალურად მუშაობდა კომპიტერთან ახსნილი მასალის გაგება - განმტკიცებაზე. ტრენერი პასუხობდა თითოეული მასწავლებლის შეკითხვას.

• შესვენება: ტრენერმა გამოაცხადა 20 წუთიანი შესვენება.
• ნასწავლი მასალის შეჯამება: შესვენების მერე პროექტორის საშუალებით მსმენელების აქტიური ჩართულობით მოხდა ნასწავლი მასალის გამეორება - შეჯამება
• ვიდეო - კლიპისთვის შესაბამისი მასალის მოძიება ინტერნეტში ტრენერმა მოგვცა დავალება, მოგვეძებნა ის მასალა ინტერნეტში, რომლის საშუალებითაც მოვამზადებიდით ვიდეო - კლიპს და ყველაფერი ეს მოგვეთავსებინა ჩვენს საქაღალდეში. გარდა ამისა, ტრენერს წინასწარ ჰქონდა კომპიუტერებში ჩაწერილი ტრენინგის მასალა (სხვადასხვა ვიდეო და აუდიო ფაილები), გვაჩვენა სად იყო ჩაწერილი ეს მასალა და გვითხრა, რომ სავარჯიშო ვიდეო - მასალის შექმნისთვის შეგვეძლო გვესარგებლა ამითაც.
• პრაქტიკული  ინდივიდუალური სამუშაო: ინტერნეტში მოძიებული და ტრენერის მიერ წინასწარ ჩაწერილი მასალით დავიწყეთ ინდივიდუალური დამოუკიდებელი პრაქტიკული მუშაობა. რაიმე შეკითხვის წარმოშობის შემთხვევაში ტრენერი ინდივიდუალურად მიდიოდა თითოეულ მსმენელთან და ამომწურავად პასუხობდა ყველა კითხვას. ტრენერმა გვთხოვა, მაქსიმალურად გამოგვეყენებენი ყველა ის ინსტრუმენტი, რაც ვისწავლეთ.
• D – GP – IP - როგორ ხდება ვიდეო - მასალის ატვირთვა Youtube - ში, ინსტრუმენტების გაცნობა: ვინაიდან სკოლის კომპიუტერულ ლაბორტორიებში დაბლოკილია ვიდეო - ფაილების საცავი Youtube, ტრენერმა საპრეზენტაციო პროგრამის საშუალებით გაგვაცნო ის მარტივი ინსტრუმენტები, როგორ შეიძლება აიტვირთოს შექმნილი ვიდეო - მასალა Youtube - ში და უპასუხა ჩვენს მიერ დასმულ ყველა შეკითხვას.
•  შესრულებული დავალებების პრეზენატაცია, ტრენერისა და აუდიტორიის უკუკავშირი: თითოეულ მონაწილეს დავალების პრეზენტაციისთვის მიეცა 2 – 3 - წთ. პრეზენტატორი მოკლედ მომოიხილავდა თავის ნამუშევარს, ხოლო შემდეგ აუდიტორია და ტრენერი აჯამებდნენ წარმოდგენილ ნამუშევარს.
• დებრიფინგი “რა ვისწავლეთ? როგორ გამოვიყენებ შეძენილ კომპეტენციებს საგაკვეთილო პროცესში?”  ტრენინგის მიწურულს მოხდა ნასწავლი მასალის შეჯამება. თითოეულმა ჩვენთაგანმა აღნიშნა, გაკვეთილის რომელ ფაზაზე და როგორ გამოიყენებდა ტრენინგზე ნასწავლ მასალას სასწავლო პროცესში.
• ტრენინგის შეფასება: ტრენერის შეკითხვაზე გაამართლა თუ არა ტრენინგმა მათი მოლოდინი, ყველამ ერთხმად აღნიშნა, რომ ტრენინგმა მოლოდინს გადააჭარბა, იყო მეტად საინტერესო, პროდუქტიული. ასეთი პრაქტიკული დანიშნულების  ტრენინგები საჭიროა ხშირად ჩატარდეს საჯარო  სკოლის პედაგოგებისთვის. აღნიშნეს, რომ ის რისი გაკეთებაც მატთვის წარმოუდგენელი იყო საკუთარი ძალებით სხვისი დახმარების გარეშე, ახლა ტრენინგის გავლის შემდეგ ეს უკვე მეტად იოლი იქნება.

4.   ტრენინგის მნიშვნელოვნების დასაბუთება:

აღნიშნული ტრენინგისას ჩემთვის მნიშვნელოვანი და ახალი იყო ყველაფერი. ძალიან მომეწონა პროგრამა Movie Maker და მისი შესაძლებლობები. ტრენინგში მონაწილეობამ მომცა სტიმული და გამიზარდა ახალი იდეების, ინოვაციების განხორციელების მოტივაცია.

აუცილებლად გამოვიყენებ ტრენინგში ათვისებულ სიახლეებს სასწავლო პროცესში. გავამდიდრებ ჩემს გაკვეთილებს ვიდეო - მასალითაც. გარდა ამისა, ამ ტრენინგმა საშუალება მომცა და დამანახა, როგორ გავამდიდრო ჩემი ელ. პორტფოლიო.

კოლეგებს შევთავაზებ ჩემ მიერ შეძენილი ცოდნისა და უნარების გაზიარებას ტრენინგის სახით და დავარწმუნებ, რომ ეს სიახლე დადებითად იმოქმედებს მოსწავლეთა სასწავლო პროცესში ჩართულობაზე.

5.   ტრენინგის შემდეგ:

ტრენინგის შემდეგ ტრენერმა ელ. ფოსტით პერსონალურად გამოგვიგზავნა ტრენინგის მასალა (handout), რაც ძალიან დამეხმარა დამოუკიდებლად განმემტკიცებინა ტრენინგზე ნასწავლი მასალა. ტრენინგის შემდეგ შევქმენი სასწავლო ვიდეო - ფაილი, რომელიც ავტვირთე Youtube - ში.

ჩემი სასწავლო მასალა:  

ლაგოდეხი- http://www.youtube.com/watch?v=IrmsRN-Fkvk
ზამთარი - http://www.youtube.com/watch?v=8cV9QvM9w5Q

სსიპ   94   საჯარო სკოლის

ქიმიის  მასწავლებელი                                                                          ირმა ჯანიაშვილი

                                                     
                                           რიცხვი 25 დეკემბერი

ანგარიში

ტრენინგი – პროექტით სწავლება–ინტელის კურსი

ტრენერი – მანანა კვინიკაძე

ჩატარების ადგილი: თბილისის 87-ე საჯარო სკოლა

ჩატარების დრო: 5.04, 6.04, 9.04, 12.04, 26.04, 27.04, 3.05, 4.05,5.05.

მსმენელი:ირმა ჯანიაშვილი. 94–ე საჯარო სკოლა, ქიმიის მასწავლებელი

სთ. რაოდენობა:   36 საკონტაქტო საათი.

            პროექტზე დაფუძნებული სწავლების შესახებ ინფორმაცია მოცემულია შემდეგ მისამართზე: http://tpdc.ge/essentials/

პროექტზე დაფუძნებულ სწავლას აქვს შემდეგი უპირატესობანი: მეთოდი მოსწავლეებს აქტიურ როლს ანიჭებს, შესაძლებლობას აძლევს შეიძინოს ცოდნა და უნარ–ჩვევები სიღრმისეული დავალებების შესრულებისას. მოსწავლეები მეტ პასუხისმგებლობას იღებენ თავიანთი სწავლის პროცესზე, მათ უვითარდებათ დოკუმენტირების, პასუხისმგებლობის, პრობლემის გადაჭრის, თანამშრომლობის, კომუნიკაციის უნარ–ჩვევები. ასევე მათ უნვითარდებათ ცხოვრებისეული– 21–ე საუკუნის უნარები: გონივრული გადაწყვეტილების მიღება, ინიციატივის გამოჩენა, კომპლექსური პრობლემის გადაჭრა, თვითმართვა, ეფექტური კომუნიკაცია.

ტრენინგის დასაწყისშივე შევქმენით ბლოგი რომელზეც მოცემულია მთელი ტრენინგის მიმდინარეობა, ყოველი ტრენინგის ბოლოს ვაკეთებდით რეფლექსიას– რა ვისწავლეთ, ასევე პროექტის პორტფოლიოც განთავსებულია ამავე ბლოგზე.

ბლოგის მისამართია: http://savarjisoirma.blogspot.com/